هو فعلا لسة فى حب بحق وحقيقى

عوااااااااااااااااااااااااف على اطعم والذ زلاليف فى العالم

ازياتكوا عاملين اية

داهية لتكونوا بخير

النهاردة جايبلكوا موضوع عاوزين نتكلم فية بصراحة

ياترى هو فعلا لسة فى حب بحق وحقيقى
حب من بتاع زمان دة
قيس وليلى وروميو وجوليت

حب من بتاع الافلام القديمه دى

حب من اللى بيتكتب فية الاغانى

حب عزرى او حب افلاطونى
حب مجرد من اى مصالح وشهوات او منافع
حب لمجرد الحب

ولا الحب دة دلوقتى فى الزمن الروش دة اتحول لـ مصلحتى
وقضيها ياعم
وعيش حياتك وكدة

كل شاب روش وكل (شابه) كوووووول عاوزين يقضوها وخلاص
واهى ايام لذيذة بيعيشوها سوا ولما كل واحد يحب يتجوز يروح يدور على واحدة خام
مالهاش تجارب
يقولك انا عاوز واحدة مامشيتش مع حد قبل كدة
عاوز واحدة محدش مسك ايديها قبلى

طب اما كل برنس او (برنسه) من دول عاوز يتعامل ويحس باحساس انه مرتبط وانه فى علاقه وكدة

هايجيبوا منين شباب وبنات لسة بسلوفانتهم محدش قربلهم

المهم الكلام فى الموضوع دة يطوووول جدا

ياريت تورونى اراءكوا الجميلة وعاوزكوا بقى تشعللوا الزلاف كدة

يالا بقى

اقعدوا بالعافية